<sect1 id="ai-stars">
<sect1info>
<author
><firstname
>Jason</firstname
> <surname
>Harris</surname
> </author>
</sect1info>
<title
>Estrelas: Unhas preguntas frecuentes introdutorias</title>
<indexterm
><primary
>Estrelas</primary
></indexterm>

<qandaset id="stars-faq">

<qandaentry>
<question>
<para
>Que son as estrelas?</para>
</question>
<answer>
<para
>As <firstterm
>estrelas</firstterm
> son esferas xigantes con gravidade propia de (fundamentalmente) gas hidróxeno. As estrelas son motores termonucleares; a fusión nuclear ten lugar no núcleo mesmo das estrelas, onde a densidade é extrema e a temperatura chega a decenas de graos celsius. </para>
</answer>
</qandaentry>

<qandaentry>
<question>
<para
>É o Sol unha estrela?</para>
</question>
<answer>
<para
>Si, o Sol é unha estrela. É a peza central dominante do noso sistema solar. Comparada con outras estrelas, o noso Sol é bastante normaliño; semella ser tan grande e brillante porque está millóns de veces máis perto do que calquera outra estrela. </para>
</answer>
</qandaentry>

<qandaentry>
<question>
<para
>Por que brillan as estrelas?</para>
</question>
<answer>
<para
>A resposta breve é: as estrelan alumean porque están moi quentes. Realmente é máis complicado do que iso. Calquera obxecto quentado a milleiros de graos irradia luz, igual que as estrelas. </para>
</answer>
</qandaentry>

<qandaentry>
<question>
<para
>A seguinte cuestión obvia é: por que son tan quentes as estrelas?</para>
</question>
<answer>
<para
>Esta é unha cuestión máis difícil. A resposta normal é que as estrelas obteñen o calor das reaccións de fusión termonuclear dos seus núcleos. Porén, esta non pode ser a causa definitiva do calor das estrelas porque unha estrela ha estar quente en primeiro lugar para que se inicie a fusión nuclear. A fusión só pode manter a temperatura alta; non pode facer que a estrela quenza. Unha resposta máis correca é que as estrelas están quentes porque se colapsaron. As estrelas fórmanse a partir de nébulas gasosas difusas; segundo o gas nebuloso se condensa para formar unha estrela, despréndese a enerxía gravitatoria potencial do material, primeiro como enerxía cinética e por último como calor segundo se incrementa a densidade. </para>
</answer>
</qandaentry>

<qandaentry>
<question>
<para
>Son todas as estrelas iguais?</para>
</question>
<answer>
<para
>As estrelas teñen moitas cousas en común: todas elas son esferas colapsadas de gas (fundamentalmente hidróxeno) quente e denso e prodúcense reaccións de fusión nuclear no centro ou perto del en todas as estrelas do ceo. </para
><para
>Porén, as estrelas mostran gran diversidade nalgunhas propiedades. As estrelas máis brillantes sonno 100 millóns de veces máis que as máis tenues. As estrelas varían en temperatura superficial desde só uns poucos miles de graos até case 50.000 graos celsius. Estas diferenzas débense basicamente a diferenzas na masa: as estrelas masivas son máis quentes e máis brillantes que as estrelas de menor masa. A temperatura e a luminosidade dependen tamén do <emphasis
>estado evolutivo</emphasis
> da estrela. </para>
</answer>
</qandaentry>

<qandaentry>
<question>
<para
>Que é a Secuencia Principal?</para>
</question>
<answer>
<para
><indexterm
><primary
>Secuencia principal</primary
></indexterm
> A secuencia principal é o estado evolutivo dunha estrela cando está a fusionar hidróxeno no seu núcleo. Esta é a primeira etapa (e a máis longa) da vida dunha estrela (non incluindo as fases como protoestrela). O que lle acontece a unha estrela despois de que esgote o hidróxeno do núcleo explícase no artigo sobre a evolución estelar (previsto para pronto). </para>
</answer>
</qandaentry>

<qandaentry>
<question>
<para
>Cando dura unha estrela?</para>
</question>
<answer>
<para
>O tempo de vida dunha estrela depende moito da súa masa. As estrelas máis masivas son máis quentes e brillan con máis forza, o que fai que consuman o seu combustíbel nuclear moito máis rápido. As estrelas máis grandes (unhas 100 veces a masa do Sol), esgotan o seu combustíbel en só uns poucos millóns de anos, mentres que as estrelas máis pequenas (un dez por cento da masa do Sol), coa súa velocidade de consumo moito máis frugal, brillan (ainda que tenuamente) durante <emphasis
>billóns</emphasis
> de anos. Ten en conta que isto é moito máis do que o Universo leva existindo. </para>
</answer>
</qandaentry>

</qandaset>
</sect1>